BALKANHOCHZEIT 2. TAG
BALKANHOCHZEIT 2. TAG
DES SAN DE DOG DIE I GERN MOG
WENNS AUFSTEH HÜBSCH BESCHWERLICH SCHEINT
DOCH D´NEUGIER DICH IN HOF NEI TREIBT
KINDER SPUIN IM GARTEN SCHO
DA GOCKL SCHREIT „WER SCHLAFFT DENN NO“
DIE OPAS FANGEN SINGA DRAUF
DIE OMAS GLEI ZUM KOCHA O
AS BIER IS DO AS BIER IS FURT
BRAUTVATER AN HOF NEI FLUACHT
DIE ERSTEN SCHO AM RAUCHA
WERD VOM KÜHLWONG NO DA SCHLÜSSL GSUACHT
BIERBANK GWISCHT, S´HERZ GEHT AUF
DECKAL UND PAAR BLEAME DRAUF
UND JUST DIE ERSTE HALBE RINNT
AUCH SCHO DE DURSTIG MUSI KIMMT
DIE MUSI FANGT ZUM DANZN O
WARTS NO SCHNELL, WIR KEMMAN SCHO
SO NIMMT DIE PARTY SEINEN LAUF
NUR D´TANTE RESI IS NO NED AUF
GEH WECKTS DIE RESI, IS DOCH KLAR
DASS DE HEID NO NED AUFSTEH KO
WEIL SIE DOCH MIT DE OPAS
SCHIA DE GANZE NOCHT BEIM SCHNAPSLN WAR
DES SIGT MA DENE NUR NED O
WEIL JEDER SO SCHEE DANZN KO
WEILS PROPHYLAKTISCH NEBEN DA HÜTTN
SCHO IN DA FRIA AN GRILL OZÜNDN
DOCH DER GRILL IS IN GEFAHR
WETTERLEUCHTEN SCHO GANZ NAH
WERD HALBLEER, BISSAL WEINBENEBELT
ROT/WEISS ZUM ROSÉ VEREDELT
OLLE TRAGEN AS ESSEN NEI
DOCH DES WETTER ZIAGT VORBEI
WIEDER AUSSE SONNENKLAR
ES IS NO SO VUI GRILLFLEISCH DA
OPA HERBERT SCHLAFFT FAST EI
SCHENKTS EAM NO AN SLIVO EI
OMA OLGA GIBT KOA RUAH
SIE DANZT NO WUIDA OHNE SCHUAH
SO FEIERT OIS BIS TIEF IN D´NACHT
ES WERD GSUNGA, DANZT UND GLACHT
OPA, OMA, KIND UND KEGEL
GLÜCKLICH SEI IS D´OANZIG REGEL
AUSGELASSEN, WUID UND FREI
MUAST SCHO MOI DABEI GWEN SEI
S´BRAUTPAAR SCHAUT SICH GLÜCKLICH O
JETZ SCHAFF MA AN 3. TAG A NO